TACLOBAN CITY- Waray na makalusot ha kamot han mga otoridad an duha nga kababayen-an pinaagi ha guinbuhat nga buy-bust operation ha Barangay Atabay, Hilongos, Leyte.
Guinkilala an mga nakatalapas nga hira Hazel Jane Incierto, 20 anyos an pangidaron, daraga ngan residente han Purok Tambis, Sogod, Southern Leyte. Lakip guihapon han naaresto an 16 anyos nga menor de edad nga guintago ha ngaran nga ” Alias Baby Girl”, daragita ngan residente han Barangay Iniguihan, Bato, Leyte.
Nakuha tikang ha poder ni Incierto an usa ka sachet nga may sulod han guintutuuhan shabu ngan 500 pesos nga buy- bust money.
Samtang nakumpiska naman ha possession han menor de edad an upat ka sachet nga may sulod han guintutuuhan shabu.
Dayon naman nga guinturn-over ha Regional Crime Laboratory an mga nakumpiska nga shabu para igpailarom ha examination.
Nakatalaan nga pasakahan hin kaangayan nga kaso an mao nga mg suspek mahitungod ha nabuhat nga pagtalapas ha balaod.
