INTERNATIONAL – Ginparayaw han Pentagon nga magdudugay hin duha ka-tuig antes utro maabrehan han Iran an ira nuclear program.
Ini in kasunod han gindumara nga panbobomba han Estados Unidos ha tulo nga nuclear facilities han Iran.
Sumala kan Pentagon spokesperson Sean Parnell, subay ha intelligence nga nakarawat han U.S. Department of Defense, mahinay an programa han Iran ha sulod han 1-2 ka-tuig.
Manunumduman nga gumamit an militar han Amerika hin sobra usa ka-dosena nga 30,000-pound bunker-buster bombs ngan sobra duha ka-dosena nga Tomahawk cruise missiles agud mabungkag an tulo nga pasilidad han Iran, lakip na an Fordow site.
Labot la hine mayda mga eksperto ngan opisyal han United Nations nga nagpahayag nga posible gintago o ginbalhin na han Iran an ira hinipos nga highly enriched uranium ugsa paman an pag-atake.
