TACLOBAN CITY – Duwa nga parupangisda tikang ha Indonesia an naisalbar han Philippine Coast Guard matima nga makitan nga nag papalutaw-lutaw ha kadagatan han probinsya han Samar.
Ginkilala an duwa nga hira Madehmamahit ngan Maitum Niculas, ada ha sakto nga pangidaron.
Sumala kan Lt Johonsan Fabelani, Station Commander han PCG – Tacloban, nga nakakarawat an mga ini hin report tikang ha mga purupangisda han Samar kaparte han mao nga mga foreign national.
Diri naman matudlok kun duwa ka adlaw, duwa ka semana o duwa ka bulan na ba an mga ini nga nagpapalutaw-lutaw ha lawod labi pa nga nagin pakuriay an komunikasyon tungod nga diri an mga ini maaram mag-Inglis.
Nahisabutan la nga ini in mga taga-Indonesia han pakianhan kun hino an ira Presidente ngan bumaton naman an mga ini nga hi ‘Joko Widodo’.
Sumala kan Febalani nga nakitan nala an duwa nga nagpapalutaw-lutaw samtang kapot an ira bumalikad nga sarakyan pandagat.
Samtang, dayon naman nga gindara an mga ini ha Eastern Visayas Regional Medical Center (EVRMC) para ha kaangayan nga atensiyon medikal.
