Nag-abri an ada ha 19 nga Department of Health (DOH) hospitals hin fast lanes para ha mga ginduktan han sakit nga leptospirosis.
Ine in agud mas mapadagmit an konsultasyon ngan pagtambal ha mga nalunod ha baha resulta han naglabay nga bagyo nga Habagat nga naglasurbo ha nasud dida han nakalabay nga bulan han Hulyo han presente nga tuig.
Ha ilarom han Fast Lanes, gindudumara an assessment agud matudlik kun kinahanglan ba ma-admit ha ospital an usa nga pasyente o dire. Gin papanginano gihapon hine an risk level han pasyente agud maresetahan hin sakto nga pag-inom han tambal nga doxycycline.
Utro naman nga nagpahinumdom an DOH ha publiko nga dayun kumunsulta ha doktor ha oras nga lumusong o nalunod ha baha o lapok agud malikayan nga maduktan han sakit.
Ha datos han DOH, ada ha kabug-usan nga 2,396 leptospirosis cases ha bug-os nga nasud na an nahipatik tikang dida han Hunyo tikang han magtikang an panahon han tag-uran.
