NATIONAL NEWS- Nakuha han Pilipinas an dako nga kadaugan ha kalakaran mahuman nga tangalon han Estados Unidos an taripa nga sobra $1 bilyon nga kantidad ha mga produkto pan-agrikultura ha nasud, kalakip na an maglalain-lain nga industrial goods nga naghahatag hin dalan para ha tanan nga eksport han Pilipinas ha US.
Sumala kan Acting Finance Secretary Frederick D. Go, dako nga bulig ine ha mga parag-uma matungod kalakip ha mga produkto nga gintangaal hiton 19% tariff an saging, lubi, mangga, dried guava, kape, tsaa, spices, ngan pira na mga fertilizers.
Subay ha Department of Trade and Industry, umabot ha $1 bilyon an export value han mga produktong agrikultural hadton 2024, samtang $5.8 bilyon naman an kantidad han industrial products nga kalakip na gihapon ha exemptions.
Ha bag-o nga polisiya, haros $14.5 bilyon nga eksport han Pilipinas ha U.S. in masuod nga waray taripa, kalakip na an damo nga mga industrial products sugad hiton semiconductors.
