TACLOBAN CITY – Maabot ha 16 nga mga housing units han National Housing Authority (NHA) an ginpapademolish ni Ormoc City Mayor Richard Gomez mahitungod han gin-aalegar substandard nga mga materyales nga gingamit han private contractor ha pagtindog han mga ini.
An mao nga pabahay in nakatalaan kunta para han mga biktima han linog han nakalabay nga tuig ha Brgy. Gaas, Ormoc.
Kasumpay hini, sumala kan Mayor Gomez, naghangyo na hiya ha NHA nga makipagsumpayan para ha pagdumara hin final inspection ha mao nga mga housing units para makit-an kun angay ba ini nga igdemolish kun mapamatuod nga substandard ini.
Dugang pa hini nga responsibilidad han NHA nga siguraduhon nga maupay ngan madig-on an mga gintitindog nga mga pabahay agud nga masigurado nga diri na mabibiktima an mga biktima na nga daan.
Ha pagkayana in ginpapamulat pa ni Mayor Gomez an magiging kabatunan han NHA para han request hini nga final inspection han mga housing units.
