Gin kumpirma ni Acting Senate President ngan Senate President Pro Tempore Win Gatchalian nga kinahanglan an 16 nga botos tikang ha Senado agud masirotan hi Vice President Sara Duterte ha tikaharani nga impeachment trial.
Sumala kan Gatchalian, nakasurat ha Article XI, Section 3(6) han 1987 Constitution nga waray opisyal nga pwede masirotan ha impeachment proceedings hin waray pag-abuyon han 2/3 han ngatanan han membro han Senado.
Gin eksplikart hini nga mahitungod nga nakapirmi ha 24 an kabug-usan nga ihap han mga senador, magpapabilin nga 16 nga botos an kinahanglan para ha conviction, anuman an kadamo han mga senador nga maatender ha pagdungog.
Ha presente, ginbubug-os han 12 nga senador an paksyon ni Gatchalian, samtang may-ada naman 10 nga senador an paksyon ni Senator Alan Peter Cayetano, dire kaupod hira Senator Jinggoy Estrada ngan Senator Ronald “Bato” dela Rosa.
Samtang, gintudlok han Senate impeachment court, ha ilarom han pagmamangulo ni Gatchalian, an pre-trial conference ha HUnyo 18. Ginmanduhan an kampo ni Duterte ngan an House prosecution panel nga magsumite in kada-iya pre-trial briefs ugsa an Hunyo 15.
Nakatalaan naman nga tikangan an trial proper ha Hulyo 6, 2026.
