-- Advertisements --
TACLOBAN CITY– Nakaghipatik an Department of Health Eastern Visayas, hin hitaas nga kaso hiton leptospirosis han nakalabay nga bulan matungod han waray wantas nga mga pag-inuran dara han shearline.
Sumala kan Department of Health DOH Regional Office 8, Information Officer, Jelyn Lopez Malibago, maabot ha 15 nga mga kaso an ira nahi-record ngan tanan mga kalalakin-an , ngan nag eedad hin 21-anyos paigbaw.
Dugang pa hine, tanan nga ira nahirecord in na-ospital, ngan ha pagkayana in nagpakagawas na an mga ine ngan padayon nga nagpapaupay.
Ginmalatumat ni Lopez, nga ha 15 nga ihap, 7 dinhi an taga Leyte, 3 an Northern Samar, tag-duha ha Southern Leyte ngan Tacloban City, ngan 1 ha Eastern Samar.
