TACLOBAN CITY – Usa nga 15-anyos nga bata nga lalaki an patay mahuman nga makuryente hin live wire ha Brgy. San Lorenzo, Kawayan, Biliran.
Sumala kan PLt. Rodolfo De Mesa, OIC Chief of Police hiton Kawayan Municipal Police Station, sumaka an biktima ha puno han mangga nga nakada ha atubangan han ira balay kun diin dire daw maaram an biktima nga may-ada live wire ha nasabi nga puno.
Sumala naman daw ha mga nakakita, an nasabi nga mangga in mayda na nag-lalaga laga nga wire kuryente kun diin posible daw nga waray ine mahireport ha BILECO.
Samtang, mahuman nga mahisangit an tiil han biktima ha live wire in hinay-hinay daw ine nga nahulog ha lapok kun diin nahiuna kahulog an ulo hine.
Nakumpirma naman nga an ka-kuryente hine an kawsa han kamatayon hine dida han mahikit-an nga mayda ine nga paknit nga panit ngan mga buto ha pira nga parte han lawas hine.
Nadara pa naman ine ha Kawayan RHU pero gindeklara na ine nga dead-on-arrival.
