TACLOBAN CITY – Nakabitay ngan waray na kinabuhi han makit-an an usa nga 15 anyos nga bata ha mismo panimalay hini ha Brgy. Castilla, Palo, Leyte.
![](https://img.bomboradyo.com/tacloban/2021/01/palo-leyte-map.jpg)
Sumala kan Pol. Maj. Aldo Mendiola, hepe han Palo Municipal Police Station, subay ha imbestigasyon nagkaada anay hin mapaso nga argumento an biktima nga usa nga estudyante ha iya mismo lola.
Subay ha impormasyon, ginbinusaan daw han iya lola an biktima tungod han duro hini nga kamalakat.
Bumaton pa an biktima ngan naghulga nga hiya in magpapakamatay. Urhi na han umuli an tatay han biktima han makit-an niya ini nga nakabitay gamit an nylon nga higot.