TACLOBAN CITY– Gintagan hin pagkilala han City Veterinary Office (CVO), an 13 nga barangay kumo top rabies program implementers, ha syudad han Tacloban.
Sumala kan Dr. Eunice Alcantara, City Veterinarian Office, an paghatag hiton pagkilala in kaparti han pagsalin-urog hiton 2024 World Rabies Day, nga may tema nga “Breaking Rabies Boundaries.”
Dugang pa ni Alcantara, nga an nasabi nga mga barangay in aktibo ha pagpapatuman ngan pagbulig nga ma-kontrol an populasyon han hayop ngan pagkontra gihapon ha rabies pinaagi naman han pagkakamayda hin vaccination, spay ngan neuter programs, impounding ngan registration services, sugadman information , education, and communication (IEC) campaigns.
Ha pagkayana, nagpapabilin nga wara kaso hiton rabies an syudad han Tacloban ha sulod han 5 katuig.
Nananawagan naman an nasabi nga Dra. nga igpabilin han kada-barangay an nasabi nga pagmintinar, matungod nga dako an partisipasyon hine ha rabies control programs han lokal nga pangobyernuhan.
