TACLOBAN CITY – Naa-agnas na han mahikit-an an 12-anyos nga estudyante nga nawara hin upat kaadlaw ha Basey, Samar.
Ginkilala an biktima kan Jilieca Lacaba, 12 anyos an pangidaron, usa nga grade 7 student han Semeon Ocdol National High School, ngan residente han Brgy. Can-abay Basey, Samar.
Basi han pakipagsumpayan han Bombo Radyo Tacloban ngadto kan Jerlyn Lacaba, nanay han biktima, nagsarit an iya anak nga makadto ine ha iskuylahan para mag-atender han Teachers’ Day pero waray na daw ine umuli pagka-kulop ha ira balay sanglit nagdesisyon hira nga mag-asawa nga lanaton ine.
Basar han attendance nga nakuha han mga kag-anak hine ha iskuylahan in nabaruan nga waray ine sumulod ha iskuylahan ngan waray nag-atender an biktima han nasabi nga selebrasyon.
Manunumduman nga nagsarang ha social media an balita mahuman nga mangaro hin bulig ha social media an nanay hine mahuman nga waray ine nira makit-an.
Duro naman an kasubo han mga kag-anak han namatay nga estudyante mahitungod han nahitabo hine.
Ha pagkayana in aadto pa daw ha ospital han lawas han biktima ngan ginpapailarom pa han autopsy.
