TACLOBAN CITY – Nakatalaan na nga pagdumaraun an 38th Eastern Visayas Regional State Colleges and University Athletic Association o SCUAA Games 2024 yana nga maabot Disyembre 08, 2024 ha NorthWest Samar State University (NwSSU) nga kun diin, papartisiparan ini han mga onse (11) nga mga State Universities and Colleges ha Sinirangan Bisayas.
Sumala kan Philippine Association of State University and Colleges Region 8 President Dr. Victor Cañezo Jr., nga nagpapadayon na an mahugot nga mga pangandaman han mga unibersidad labi na adtun mga atleta nga masabak ha mga magkadurudilain nga mga sporting events.
Mayda nira baynte-kwatro nga mga magkadurudilain nga mga sporting events kalakip an Mr. and Ms. SCUAA competition ngan mga bag-o nga mga sporting event categories nga maabot ha 3,000 nga mga delegado an ginlalauman nga maatendir han pinakadako nga sporting event ha rehiyon.
Natuo hi Cañezo nga dako manggud an naibubulig ha mga estudyante han mga extra-curricular activities sugad han sports para ha pagbabalanse ngan han ira naman pagdevelop.
“In fact, nagbabalanse itun student life ngan an ira sports. Expected of course nga ma fully develop an ira, not only physical being but also the mental, the emotional, social and spiritual aspect as individuals.” yakan ni Cañezo.
An mga magdadaog naman in magrerepresentar han rehiyon para han National SCUAA games nga pagbubuhaton naman sunod nga tuig.
“We are preparing them for our National SCUAA, sa PASUC-8 na we want Great PASUC-8, so dapat great an atun mga athletes in representing region 8. Kaya ang tema ngayon, chosen by NwSSU is spark victory, kasi nakikita natun nga pirmi gud la aadi ha bottom or to the last an Eastern Visayas sa ranking sa 17 competing regions throughout the country. Now we are trying na maka bisan ha Top 10.”
Gin eksplikar pa hini nga nag alternate na an pagdudumara han National SCUAA mahitungod han pinansyal nga aspeto.
Aminado manggud hi Cañezo nga usa ha mga ginkakaatubang nira nga problema itun budget han pagdudumara han mga magkadurudilain nga mga aktibidad mahitungod naman han napakadako nga budget deficiency o mga diri nababaydan pa han gobyerno ha mga Unibersidad ngan Kolehiyo tungod han Free Higher Education nga maabot na ha P8.6-Billion.
Kutob naman ha Disyembre 13, 2024 an pagdudumara han Regional SCUAA nga pag aatendiran han mga unibersidad ha rehiyon, Samar State University, Southern Leyte State University, Eastern Samar State University, Northwest Samar State University, University of the Philippines-Tacloban, University of Eastern Philippines, Eastern Visayas State University, Palompon Institute of Technology, Leyte Normal University, Visayas State University at ang Biliran Province State University.
