TACLOBAN CITY – Dead on arrival an usa nga biktima, samtang 7 samaran mahuman an mga ine nga maigo hiton kidlat ha Brgy. Cagusu-an Isla han Homonhon Guiuan Eastern Samar.
Sumala kan PLTCOL. Rommel Cesista, Information Officer, Eastern Samar Police Provincial Office, nga subay ha ira nagin imbestigasyon, an mga biktima in mga trabahador hiton usa nga minahan, ngan samtang napahuway an mga ine ha sulod han usa nga duplex cottage han block 38 minahan han Virrum Mining company, kun diin naggamit an mga ine hin cellphone, nga usa ha mga gintutudlok nga rason han pagka-igo han mga ine han kidlat.
Nakag-angkon naman hin magkalain-lain nga minor burn injury an pira nga mga biktima, kun diin 2 dinhe an babayi samtang an 5 naman in puros kalalakin-an, ngan dayon an mga ine gindara ha pinakaharani nga ospital agud nga tagan hin dayon nga medikal atensyon an mga ine.
Mababaruan, nga nagin mauran han mao nga adlaw, kun diin kasagaran nga nagkakamayda hin mga pagkidlat, ngan pagdalugdog.
