TACLOBAN CITY- Nagbilin hin usa nga patay ngan usa nga samaran an natabo nga pagbanggay han single motorsiklo ngan kotse ha Sitio Mahanglad, Barangay Cabungahan, Villaba Leyte.
Sumala kan SPO3 Naicito Macasusi, Chief Investigator han Villaba PNP nga guinkilala an namatay nga driver han single motorsiklo nga hi Gerald Bas, mekaniko, kasal, 37 anyos an pangidaron ngan residente han Barangay Hinabauyan ha mao nga bungto.
Samtang, ada naman ha kritikal nga kondisyon an backrider hini nga hi Louie Esmero, 19 anyos an pangidaron ngan nagpapabilin pa ha Ormoc District Hospital.
Guinkilala naman an driver han kotse nga hi Christian Michael Medalla, 21 anyos an pangidaron, ulitawo, studyante ngan residente han Barangay Samrak, Tabango, Leyte kun diin nakaangkon naman ini hin samad ha wala nga kamot.
Dugang pa ni SPO3 Macasusi nga nagtapuay an duha nga sarakyan ha usa nga kurbada kun diin dara na guihapon han makusog nga pag-inuran, nagresulta ini hin madugo nga disgrasya.
Guinmalatumat pa ni Macasusi nga sakay guihapon an padre nga nagtatag-iya han mao nga kotse dida han matabo an mao nga insidente.
An kaparte han pamahayag ni SPO3 Naicito Macasusi, Chief Investigator han Villaba PNP
Samtang, guinbaton naman han nagtatag-iya han kotse an kagarastusan han mga biktima.
