NATIONAL–Narekober han mga technical divers han Philippine Coast Guard (PCG) an usa pa ka lawas kanit han nalunod nga MV Trisha Kerstin 3, yana nga adlaw, ika 22 han Pebrero.
Narekober han mga technical divers an nasabi nga lawas samtang nagbubuhat hin mga maritime operations.
Mahitungod hine, umabot ha 65 an death toll.
293 naman an nahipatik nga mga survivors, samtang 14 an nagpapabilin nga nawawara.
Ginklaro naman han ahensya nga an mga ihap in subay ha mga joint validation efforts han Philippine National Police-Scene of the Crime Operatives (PNP-SOCO), City Disaster Risk Reduction and Management Office (CDRRMO), Coast Guard District Southwestern Mindanao (CGDSWM), ngan mga apektado nga pamilya nga nagpapadayon nga nakikig-coordinar ha interagency search and rescue authorities.
Courtesy | PCG, PCG – Technical Diving Group
