ENTERTAINMENT – Makakarawat han asawa ngan duha nga anak han tumalikod na ha kadayunan nga aktres ngan “Meteor Garden” star nga hi Barbie Hsu, an iya mga propreydad nga nagkakantidad hin 500 milyones Yuan o 4.7 bilyones ka pesos.
Ginkompirmar naman ini ni South Korean DJ, DJ Koo, kun diin pagtuturunga-on ini han asawa ni Barbie ngan han iya 10 anyos nga anak nga babaye ngan 8 anyos nga anak na lalaki.
Mahitungod nga mga bata pa an anak ni Hsu, an ira parte in igkakadto la anay ha ira tatay nga hi Wang Xiaofei kutob umabot hira ha legal nga pangidaron.
Samtang, sumala kan Koo, plano niya nga ighatag an iya parte han propreydad ha nanay ni Barbie mahitungod ha tanan nga sakripisyo nga iya ginbuhat ha ira pamilya.
Hi Koo in an siyahan nga asawa ni Barbie ngan nagbulag hira dida han tuig 2000 ngan utro nga nagbalik mahuman nga makigbulag hi Hsu kay Wang.
