NATIONAL NEWS– Gin-anunsyo han Department of Health (DOH) nga papahaluagon pa an zero-balance billing agud nga dire ine magin limitado ha mga ospital.
Sumala kan Health Secretary Teodoro Herbosa, ine in mahuman nga aprubaran han Senado an kadugangan nga pondo ha balaodnon nga General Appropriations Bill.
Pananglitan nga dayon na nga maaprubaran, gagamiton an dugang nga P1 billion nga pondo para suportahan an mga level 3 nga ospital nga gintatag-iyahan hiton mga lokal nga pangobyernuhan.
Dugang pa hiton DOH, may mga kondisyon an pagpapatuman hine kalakip na an sadang nga accreditation nga mga Rural Health Units ha PhilHealth YAKAP program .
Gindig-unan gihapon han DOH nga an pondo in nasusubay ha populasyon, pasilidad, ngan klase hiton LGU, ngan igpapagawas ine pinaagi hiton level 3 DOH hospitals ha rehiyon ha ilarom han usa nga legal nga kasarabutan.
