Maduon nga igindiwara ni Ako Bicol Partylist Rep. Zaldy Co an waray basaranan nga akusasyon ni Navotas Rep. Toby Tiangco.
Ginmalatumat ni Co nga dire hiya an mastermind ngan gintugutan daw an last minute budget insertions ngan realignments ha items ha 2025 General Appropriations Act.
Pagsigurado pa ni Co nga ngatanan han items ha 2025 GAA in aprubado ha plenary sessions.
Kakulop nga adlaw, nagbul-iw na kumo partylist congressman hi Co.
Ginbuhat ni Co an anunsyo ha iya official facebook page.
Ha mensahe han kongresista, iya ginpahayag nga mabug-at man ha iya in nagdesisyon hiya nga magbul-iw ha iya trabaho kumo kongresista.
Gintagan-duon ni Co nga ha panahon han iya panenerbihan in gin talinguha niya nga magin tinuod nga tagapag-serbi han mga Pilipino, labi na han mga taga-Bicol.
Sumala pa ha Kongresista, dire nagin madali an iya desisyon, pero ine daw in para ha iya pamilya ngan han mga tawo nga padayon niya nga ginse-serbihan.
Nagpasalamat gihapon ine ha ngatanan han mga sumuporta ha iya.
Ha surat ni Co kan Speaker Bojie Dy III, iya gintudlok an hulga ha iya kinabuhi ngan han iya pamilya.
Nakikita gihapon hine nga dire hiya matutugutan han due process ha ginkakaatubang niya nga alegasyon, rason nga nagdesisyon hiya nga mag-resign.
Maduon gihapon nga igindiwara ni Co nga iya bulgaran nga iginpapakita an ira magarbo nga panginabuhi ha publiko.
