ENTERTAINMENT–Nagpagawas na hin pahayag hi OPM singer nga hi Zack Tabudlo ha social media mahuman nga makakarawat ini hin pagbatikos tikang ha pira ka mga netizen kasumpay han iya preformance ha Paskohan ha University of Santo Tomas (UST)
Nagtikang an isyu mahuman nga nagsarang an usa nga video ha social media nga makikit-an nga ginbabalhas an nasabi nga singer samtang nagpe-perform nga nagin higayon han mga negatibo nga mga komento ha iya itsura .
Ha usa nga video nga ginpagawas han ika 22 han Disyembre, ginklaro ni Tabudlo nga dire niya panuyo nga makig-away pero karuyaghine nga klaruhon an reyalidad ngan maundang na an na-eekperyensahan hiton mga artista nga panbabatikos.
Siring hini nga normal la nga magkabalhas matungod ha duro nga pag-gios , mapaso nga suga, ngan kapaso samtang nagpe-perform.
Aminado naman an singer nga masakit la gihapon an mga personal nga mga mensahe kontra ha iya labi na an mga komento nga natudlok ha iya itsura, timbang, ngan batasan, bisan nga maiha na hiya ha industriya.
Gintagan hin duon ni Zack an risgo han social media kun diin pwede makabug-os hin sayop nga imahe ha usa nga tawo mahitungod la ha viral nga komento o video.
