ODD NEWS – Damo an talent han 25 anyos nga Japanese Youtuber nga hi Michaela Wako Sato.
Hiya in naging miyembro han usa nga idol group tungod nga may talento hiya ha pagkanta, maaram gihapon hiya umarte sanglit damo na an iya gin-ganapan nga TV dramas, ngan makarit gihapon magpatawa an mao nga Youtuber nga may 99,000 subscribers ha iya channel.
Pero mayda ini mas kakaiba nga pagkakakilanlan, tungod nga hiya an may pinakahalaba nga dila ha bug-os nga Japan!
Nagin viral ngan umabot ha 3 million views an Youtube video ni Michaela, kun diin ginpakita niya kun ano kahilaba an iya dila nga may sukol nga 9.9 centimeters.
Ha pagkayana dire opisyal nga ginsukol han Guiness World Record an iya dila, pero ginkokonsidera na han iya mga fans ngan subscribers hini nga hiya an babaye nga may pinakahalaba nga dila ha bug-os nga kalibutan, tungod nga an presente nga may kapot han titulo hini nga hi Chanel Tapper in 9.75 centimeters la la an kahalaba han dila.
