NATIONAL – Nagpartisipar ha 2025 midterm election an pira nga persons deprived of liberty (PDLs) tikang ha magkaduru-dilain nga presohan ngan penal farms ha nasud, subay ha Bureau of Corrections (BuCor).
Maabot ha 4,125 PDLs an rehistrado nga botante, kun diin 2,135 in tikang ha New Bilibid Prison (NBP). Kaupod gihapon ha mga lugar nga mayda mga botante nga PDL in an Davao Prison and Penal Farm (924), Leyte Regional Prison (421), San Ramon Prison and Penal Farm (290), ngan Iwahig Prison and Penal Farm (140).
Mayda gihapon 123 botante sa Correctional Institution for Women (CIW) ha Mandaluyong ngan 92 naman tikang ha CIW-Mindanao.
Ginmalatumat han BuCor nga gintugutan ha pagbotos an mga PDLs nga presente nga gindudungog, sugad han mayda sentensiya nga kulang ha usa katuig, ngan mayda kaso nga pwede ig apela pa o may paghisumpay ha rebelyon, sedisyon, o mga krimen kontra ha national security.
Samtang, gintambungan naman han mga foreign observer an piniliay ha mga presohan, pinaagi han bulig han BuCor personnel ngan mga opisyal han Comelec-Muntinlupa.
