INTERNATIONAL – Nakig-istorya ha telepono hi Chinese President Xi Jinping kan Russian President Vladimir Putin agud paghingadayan an sitwasyon ha Middle East.
Sumala kan Xi, dire sakto nga gamiton an pwersa ha pagsolbar han kasamok mahitungod nga mas ginpapahalarom la hine an kasina ngan away.
Gintagan-duon hine nga an mga dabi ha kasamok, labi na an Israel, in kinahanglan umundang ha mga operasyon nga militar ha mas madagmit nga panahon.
Panuyo hine nga malikayan an pagdako han gyera ngan an pagsarang han kasamok ha gawas han rehiyon.
Iginduon ni Xi nga andam an China nga pakusgon an komunikasyon ngan pakikigsumpayan ha ngatanan nga parte.
Dugang pa hine, maniningkamot an Beijng nga igduso an hustisya ngan magkamay-ada hin positibo nga bahin ha pagpapabalik han kahimyang ha Middle East.
