TACLOBAN CITY – Gindumara kakulop nga adlaw, Oktubre 5, 2023, an World Teacher’s Day kun diin ginseselebrar an trabaho han mga magturutdo, kumo pasasalamat haira serbisyo ngan ha ira waray wantas nga sakripisyo ha ira bokasyon agud matagan hin kalidad nga edukasyon ngan aram an sosyedad.
Sumala kan Jasmin Francisco-Calzita, Information Officer hiton Department of Education Regional Office 8, mayda mga ginpalusad nga mga dagko nga aktibidades o kun mga events an mga Division Offices ha Sinirangan Bisayas ha mga eskwelahan para hine nga pagsalin-urog kumo pahalipay ha mga magturutdo.
Labot la hine, mayda gihapon ginpanhatag ha mga teachers nga mga kadugangan nga pahalipay sugad nala hiton cash incentives, nga tikang ha Department of Budget and Management; nga kun diin, direkta ine ighahatag ha ira mga tagsa-tagsa nga bank accounts.
Dugang pa ni Calzita, hapagkayana, kutob Oktubre 30, in magbubuhat iton mga eskwelahan hin mga blended learning agud matagan hin tyansa iton mga magturutdo nga maka-bulig hiton selebrasyon ngan pangandaman gihapon ha natikaharani nga Barangay at Sangguniang Kabataan Elections 2023.
