TACLOBAN CITY– Ginmalatumat hiton Women’s Shelter CSWD Tacloban, an ira ginhahatag nga serbisyo para hadton mga kabataan, ngan kababayin-an nga gintatalumpigos, ngan gin-aabuso hiton mga kalalakin-an ha sulod ngan gawas han ira panimalay.
Sumala kan Tacloban City, Head Women’s Shelter CSWD, Madelyn Ebin, naghahatag gihapon an mga ine hin serbisyo ha mga online sexual exploitation of chilidren, kun diin nag-ooffer hira hin rehabilitation ha mga kabataan nga aada ha mga kakarsadahan nga dire naatimanan hiton ira mga kag-anak.
Dugang pa ni Ebin, an nahihingadto ha ira mga kabataan nga sexualy abuse, in ginbubuligan pinaagi hiton pagpapasaka hin kaso ala- kontra ha indibidwal na iya gintutudlok nga suspek ha manmomolistya ha iya.
Ginmalatumat pa hine nga usa ha ira ginhihimo, in nakikipag-koordinar an ira buhatan ha nanay hiton bata agud nga mabuligan an mga ine nga mapasakahan hin kaso an usa nga akusado ha krimen.
Pananglitan naman nga napasakahan na an usa nga akusado hin kaso, ngan nakapaslak na ine ha presuhan, nagkakamayda naman hira hin intervention ha kabataan nga dabi ha makarimadima nga krimen, agud nga mabuligan ine nga maka-rekober, ngan ira gihapon ine ginpapailarom counseling ngan rehabilitation.
