INTERNATIONAL – Kasunod han makusog nga linog nga umigo ha Myanmar, nga duro nga nakaapekto ha mga serbisyo nga panlawas ngan nagbutang ha yinukot-yukot nga tawo ha kadelekaduhan ngan grabe nga sakit, nagkulang hin medical aid an mga biktima han trahedya.
Dayon nga naghatag hin bulig an World Health Organization kun diin, nagpadara hin haros tulo ka-tonelada nga kagamitan medikal ha sakob han 24 ka-oras ngan nagko-coordinate ha Global Emergency Medical Teams.
Nagkikinahanglan an WHO han US hin $8M o katumbas hin haros P500M para makaghatag hin first aid, malikayan an pagsarang han sakit, ngan maibalik an mga serbisyo panlawas ha sakob han 30 ka-adlaw.
An suporta han mga donor in importante agud masalbar an kinabuhi ngan mahatag an mga kinahanglan nga bulig ha mga pinaka-apektado.
Samtang, ginaaghat naman han WHO an tanan nga bumulig agud malikayan an mga outbreak ngan masigurado nga matagan hin bulig an mga nagkikinahanglan.
