INTERNATIONAL–Aminado an World Health Organization nga nagpapabilin nga maluya ngan dire patas an progreso ha pankalibutan nga kaandaman kontra ha pandemya, labi na nga padayon nga ginbabalhin an pondo han pira ka mga nasud tipakadto ha depensa ngan seguridad.
Ha ika 6 katuig tikang han pagdeklara han COVID 19 kumo global health emergency, ginduon han WHO nga mayada mga pitad na nga ginbuhat sugad han Pandemic Agreement han 2025 ngan mga pagbabag-o ha International Health Regulations.
Ginpatuman giapon an Pandemic Fund nga nakaghatag hin sobra $1.2-B para ha mga proyekto ha sobra 90 nga nasud, kalakip an pagpapakusog ha surveillance, laboratory, ngan workforce training.
Labot la hini, humaluag an kapasidad ha genomic sequencing ngan ginpatindog an mga sentro para ha paghimo hin bakuna ngan biomanufacturing agud nga masigurado an patas nga akses ha medisina.
Ha kaluyo han mga panganaman tikang han COVID-19, gintagan duon han WHO nga an tinuod nga pangadaman in nagkikinahanglan nga magpapadayon ugsa nga magtikang an panibag-o nga pandemya.
