Igin suhestyon ni Senator Erwin Tulfo an utro nga pagpapatuman hin work-from-home (WFH) setup ngan ride-sharing schemes agud mabuligan an mga empleyado nga makatipid ha butngan padayon nga paghitaas han presyo han petrolyo.
Ha usa nga pahayag, ginmalatumat ni Tulfo nga posible igpatuman an remote work labi na ha mga trabaho nga dire nanginginahanglan hin pisikal nga presensiya ha opisina.
“Kung hindi naman kinakailangan ang pisikal na presensya ng empleyado, bakit hindi na lang online reporting ang gawin?” sumala kan Tulfo.
Ginmalatumat gihapon han senador nga pwede sakupon hini an mga posisyon nga may paghisumpay ha planning, research, administrative work, ngan customer service—mga trabaho nga napamatud-an nga epektibo nga nahimo ha sulod han balay dida han kakusgan han COVID-19 pandemic.
Sumala pa haiya, bisan an pira nga serbisyo nga medikal hadton in nahimo pinaagi han online consultations, pagpamatuod nga posible an sugad nga setup ha presente nga sitwasyon.
Para naman ha mga sektor nga kinahanglan pisikal nga sumulod—sugad han manufacturing, hospitality, ngan healthcare—igin suhestyon ni Tulfo an carpooling o ride-sharing agud maibanan an gastos ha gasolina.
Dugang pa, pwede mag-urupod an magkakatrabaho ha uusa nga sarakyan ngan magturunga ha bayad ha krudo. Pwede gihapon gumamit hin ride-hailing apps an mga empleyado nga tungaon an pamasahe.
Samtang, igin suhestyon naman ni Senate President Vincente “Tito” Sotto III nga himuon an carpooling gamit an mga electric vehicle, pinaagi hini in mas makakatipid an mga manarakay ha pamasahe, sugadman ha konsumo ha krudo.
Samtang, waray naman ig kalipay ni Sotto an transport strike nga gindudumara han pira nga grupo ha transport sector, nga gintawag hini nga ‘waray pakisama’ ngan ‘makasarili’ mahitungod ha epekto han udang-pasada ha mga manarakay.
