-- Advertisements --
TACLOBAN CITY- Patay an usa nga welder mahuman nga guinpanmumusil ha Barangay Capoocan, Calbayog, Samar.
Guinkilala an biktima nga hi Sonny Ada, 20 anyos an pangidaron, may ka live-in partner ngan trabahante ha usa nga welding shop ha mao nga lugar.
Sumala han mga nagpakakita nga tambay, nga ikadamo ka higayon nga guinpusil han waray kakilal-i nga suspek an mao nga biktima.
Samtang, waray pa mahisabti han mga kapulisan kun ano an motibo han mao nga krimen.
Ha pagkayana, nagpapadayon pa an mahugot nga imbestigasyon han mga tinaglawas han Calbayog PNP.
