TACLOBAN CITY – Usa nga weightloss challenge an gindudumara han mga empleyado han Eastern Visayas State University – Tanauan Campus pinaagi han ira medical section.
An challenge in gintatawag nga Challenge Yourself: Weightloss Challenge 2024 kun diin mayda ine tema nga “Feel Great, Look Great, Live Great”.
Sumala kan Dr. Ronald Madera, Campus Director hiton Eastern Visayas State University – Tanauan Campus, mga “healthy” daw iton ira mga empleyado ha ira campus ngan interesado daw an mga ine nga magpa-guti sanglit nabug-os an nasabi nga konsepto han ira campus nurse.
Labot la han panuyo nga pagpapa-guti o pag-iiban hin timbang in panuyuan gihapon han nasabi nga programa nga masigurado nga healthy an ira nga empleyado mahitungod nga dire daw rason nga bakay buyag o matiyagpis an imo panlawas in healthy ine.
An ngatanan nga bulig han nasabi nga programa in ginkukuhaan han ira timbang, kahita-as, sukol han li-og, ngan sukol han tiyan kun diin kahuman hine in mayda ginbubuhat nga kalkulasyon para makit-an kun anu an kabutang han lawas han empleyado, kun diin ha gumawas nga resulta o assessment in nahisabtan nga kadam-an han mga empleyado in ada ha obese nga kategorya.
Pagbubuhaton naman an assessment ha kada duha ka-semana.
Nagtikang an nasabi nga programa yana nga Agosto ngan nakatalaan nga mahuman yana nga Disyembre han presente nga tuig kun diin an pinakamakaka-kuha hin maupay nga resulta in makakakawarat hin P5,000 nga cash incentives ngan sugad man an mga magi-ikaduha ngan ika-tulo in makarawat gihapon hin insentibo.
