TACLOBAN CITY – Ginpahibaro han National Irigation Administration Regional Office Vlll, nga nagtikang na an ira inisyal nga delivery han tubig ha mga irrigasyon han kada humayaan ha rehiyon.
Sumala kan Karen Cerilla Mades, Public Relation Officer National Irigation Administration Regional Office Vlll, nga una na nira nga natagan an Abuyog ngan Javier Leyte para magamit ha ira mga irigasyon.
Dugang pa han mao nga opisyal, nga mayda hira ginsusunod nga water delivery schedule agud nga mabatag-batag hin sakto an suplay hiton patubig ha mga humayan.
Ginpahibaro gihapon hine nga ha Hunyo 15, sunod nga bulan naka schedule an ira water delivery ha Hinunangan Leyte.
Ginpatapod naman han mao nga opisyal, nga tanan in makakagtanom bisan nga umabot an El Niño, matungod nga
sadang an suplay han tubig para ha mga irigasyon ha bug-os nga rehiyon.
