Gin klaro han abogado ngan tagapagyakan ni Leyte 1st District Representative Martin Romualdez nga waray pa iginhahaon nga kaso kontra ha magbaralaod kanit ha report may paghisumpay ha daw reklamo kontra hini.
Ha usa nga pamahayag, gin malatumat ni Atty. Ade Fajardo nga an gumawas nga balita in nagtutudlok la han pangandaman para ha usa nga reklamo ngan diri pa ini pormal nga igin hahaon ha Office of the Ombudsman.
Sumala kan Fajardo, ha pagkayana in waray pa natutudlok nga “probable cause” sugad man waray pa bisan ano nga desisyon o baratunon nga ig papalusad kan anay Speaker Romualdez.
Igin duon pa ni Atty. Fajardo nga gin rerespeto han mga ini an proseso han Ombudsman ug andam an mga ini makigbinuligay kun magkaada man hin pormal nga imbestigasyon.
Dugang pa hini, naglalaom an ira kampo nga igpapatuman ngan susundon an igin patuman han Ombudsman han secretary pa ini han Department of Justice (DOJ) kun diin, angay la nga igpadayon an mga kaso nga may “reasonable certainty of conviction.”
Gin tagan duon pa han kampo ni Romualdez nga waray pa ebidensiya nga nagsusumpay ug nagduduon ha mambaralod ha ma anomalya nga ghost ngan substandard nga mga proyekto kanit ha flood control projects.
Samtang, kumpyansa naman an kampo ni Romualdez nga mareresolba an mao nga isyu basar ha ebidensiya ngan sakto nga proseso han balaod ngan diri ha pulitika o mga haka-haka.
