TACLOBAN CITY – Nadakop an usa nga warranted person para kaso nga robbery ha ginbuhat nga manhunt operation han mga kapulisan ha San isidro Northern Samar.
An naaresto in ginkilala kan Janito Vergara Mongaya, ada ha igo nga pangidaron ngan residente han Brgy. Palanit San Isidro Northern Samar.
Sumala kan Police Chief Inspector Antonio Montaño, hepe han San Isidro Municipal Police Station, an suspek in may standing warrant of arrest para ha kaso nga robbery ngan may nakatalaan nga pyansa nga 100,000.
An mao nga warrant of arrest in ginpalusad ni Hon. Decoroso Turla, Presiding Judge han RTC, Branch 23, Allen, Northern Samar dida han nakalabay nga Agosto 13, 2014.
Ha pagkayana in aada na kostudiya han San Isidro MPS an suspek matapos igpailarom hin proper documentation samtang gin-aandam an mga dokumento ha pagturn over hini ha iya couort of origin.
