Diretso nga ginmalatumat ni Vice President Sara Duterte nga ubos na an pondo han Pilipinas, kaupod han pagpaangbit ha usa nga memorandum tikang ha Department of Budget and Management nga nagmamando nga ihapon an savings han mga ahensya han gobyerno.
Ha usa nga interbyew dida han Mayo 5, ginmalatumat han Bise nga “waray na” pondo an nasud han batunon hini an pakiana han usa nga overseas Filipino worker kasumpay ha kabutangan han ekonomiya han Pilipinas.
Sumala kan VP Duterte, nakakarawat an Office of the Vice President hin kamanduan nga i-acocunt an savings ha kada ahensya agud matudlok an nabibilin nga pondo han gobyerno.
Gintagan-duon gihapon hini an “triple whammy” han paghitaas han presyo han gasolina, paghinay han piso, ngan inflation, nga dapat solusyonan agud maproteheran an mga nagkukuri.
Samtang, dayon naman ini ginpanhimuwa han palasyo, nga kun diin, sumala kan Palace Press Officer Usec. Claire Castro, may mga programa an administrasyon agud buligan an magkadurudilain nga sektor ngan may mga pitad an gobyerno nga pan-ekonomiya.
