DAVAO CITY, PHILIPPINES – Posible nga ginunahan na ni Vice President Sara Duterte an mga impeachment complaint kontra ha iya ha pamamaagi han sayo nga pag-anunsyo han iya pagdalagan ha 2028 presidential elections.
Ini an opinion ni anay Budget secretary Butch Abad, nga nagmalatumat nga possible nga estratehiya an iming han deklarasyon agud maimpluwensyahan an opinion han publiko ugsa pa man umabanse an mga pagdungog ha Kamara.
Sumala kan Abad, possible nga Nakita han kampo han bise presidente nga mabug-at an sulod han mga reklamo nga ginpasaka sanglit kinahanglan masolusyonan ngan mapugngan ini pinaagi han public perception.
Dugang pa niya nga possible gamiton ni Duterte an iya presidential nga mabug-at agud maipintar an mga reklamo kumo politically motivated o “harassment” han mga kalaban, labi na nga padayon hiya nga nangunguna ha pira nga pag-aram.
Ha presente, upat nga impeachment complaint na an ginkakaatubang ni Duterte ha House of Representatives of the Philippines, an siyahan nga tulo in ginpasaka han mga miyembro han minority bloc, samtang an ikaupat in ginsuportaran han pira nga mambabalaud tikang ha majority.
