NATIONAL – Nagpahimatngon hi anay Supreme Court Associate Justice Antonio Carpio nga mawawarayan hin katungod nga magsalawad hin baton hi Vice President Sara Duterte kun mapapakyas ine nga makagpasa hin baton ha writ of summons nga ginpagawas han Senate impeachment court dida pa han Hunyo 10.
Bisan man kun pwede la gihapon ine mag-presenta hin ebidensya, iginduon ni Carpio nga ada na ha gahom han Senado kun tutugutan pa hi Duterte nga makaghatag hin depensa bisan kun lahos na ha gintalaan nga deadline.
Manunumduman nga an 10 kaadlaw nga palugit para ha iya reply in naghuman na dida han Sabado, Hunyo 21, pero mahitungod nga nahitungod ine ha Sabado, pwede pa magpasa an kampo ni Duterte kutob yana nga adlaw, Lunes, Hunyo 23.
Gin kumpirma gihapon han tagapagyakan han impeachment court nga hi Atty. Regie Tongol nga magpapadayon an pagdungog bisan kun dire bumaton hi Duterte ha summons.
Kumpyansa naman hi Carpio nga magpapasa hin baton an kampo ni Duterte mahitungod nga magigin delikado ine haira depensa kun dire.
Kasumpay hine, ginmalatumat gihapon ni Carpio nga posible igmando han Korte Suprema ha Senador nga igpadayon an pagdungog, ngan may kapas an impeachment court nga mag-subpoena hin bank records—usa nga importante nga parte daw han proseso.
