NATIONAL – Igin-pahayag ni Philippine National Police Chief Gen. Rommel Francisco Marbil nga gin-aadman na nira an posible pagpapasaka hin kaso kontra kan Bise Presidente Sara Duterte.
Labot la kan VP Sara, dabi gihapon dinhi an iya mga security personnel ngan staff.
Ine in matungod ha gin-aalegar nga pagtalapas ha Article 151 han Revised Penal Code (Resistance and Disobedience to a Person in Authority) ngan iba pa nga kaso kriminal ngan administratibo.
Kasumpay ine han nagin insidente ha House Detention Center ngan VMMC, kun diin gin-aalegar nga ginamit an pribado nga ambulansya para ha “forced transfer” ni Atty. Zuleika Lopez, Chief of Staff ni Duterte, nga naka-detain ha contempt order han Kongreso.
Gin-siguro naman ni Marbil nga magigin patas an imbestigasyon ngan pagsunod ha due process para mapapag-baton an hin-o man nga tumalapas ha balaud.
Waray pa naman magpagawas hin kabatunan an kampo ni VP Sara, ngan aadto yana ha Mindanao.
