NATIONAL – Nagpahayag hin dire pag-uyon hi Vice President Sara Duterte ha hurak nga online gambling.
Sumala ha bise-presidente, dire hiya abuyon ha ngatanan nga klase han pagsusugal online mahitungod nga dire nakokontrol han mga kag-anak an ira mga anak ha internet.
Dugang pa hine, mahitungod ha online gambiling madagmit nga nauubos an kwarta han mga Pilipino ngan kaurugan in nalulunod pa ha utang.
Kumporme naman an bise presidente ha regulated gambling kun diin dire basta-basta makakag-sugal an bisan hin-o.
Pero kun igbubutang daw ine online ngan mawawara na an kontrol kun hin-o an pwede nga mag-abri han account para magsugal in dire na hiya pabor hine.
Dugang pa, an mga sugad nga klase hin sugal in nagigin dalan agud malunod ha utang an mga pamilya ngan mawarayan hin direksyon an kabubwason han mga kabataan.
Syahan na nga nagsalawad hin balaudnon an pira nga magbabalaod agud igbawal an online gambling ha Pilipinas.
