NATIONAL NEWS| Ginlakip ni Vice President Sara Duterte ha iya listahan han mga testigo ha nagtitikaharani nga iya impeachment trial an iya mga anay kritiko, kalakip na dinhi hira anay Senador Antonio Trillanes IV ngan Ramil Madriaga.
Subay ha pre-trial brief han depensa nga iginsumiter ha impeachment court hadton Hunyo 15, panuyo han pagtawag han mga testigo in mapamatud-an nga waray basaran an mga alegsyon ha Articles of Impeachment kontra ha Bise Presidente.
Labot kanda Trillanes ngan Madriaga, kalakip gihapon ha mga listahan han mga posible nga testigo an pira nga opisyal tikang ha Office of the Ombudsman, Office of the President, National Bureau of Investigation, Commission on Audit, Department of Budget and Management, Anti-Money Laundering Council, Philippine Statistics Authority, ngan iba pa nga ahensya han gobyerno.
Mayda gihapon mga forensic experts, accountants, notaries public, ngan magin investigative journalists nga posible igpatawag kumo kaparte han depensa.
An impeachment complaint kontra kan Bise Presidente in nasusubay ha pira nga mga seryoso nga akusasyon, kalakip na an sayop nga paggamit han confidential funds, dire insakto nga deklarasyon han karikuhan, ngan dire pag-disclose han mga negosyo, ngan ibapa nga mga alegasyon hiton graft ngan corruption.
Kalakip gihaon ha mga ginkaka-atubang hine an panhulga kontra ha higtaas nga opisyal han gobyerno.
Manunumduman ha mga nauna nga hearing han Kamara, linmutaw gihapon an mga testimonya ngan report han Commission on Audit, National Bureau of Investigation, ngan Anti-Money Laundering Council nga kanit ha daw iregularidad ha paggamit han pondo.
