Gintawag ni Vice President Sara Duterte nga “tuta” nira Presidente Ferdinand Marcos Jr. ngan anay senador Antonio Trillanes IV an International Criminal Court (ICC).
Ha iya speech ha atubangan han mga Duterte supporters nga nagtirok ha gawas han ICC ha The Hague, Netherlands dida han Myerkules, Hulyo29. An katitirok in gindumara samtang nagpapadayon an pagdungog han ICC ha kaso nga crimes against humanity kontra kan anay presidente Rodrigo Duterte.
Ha iya pagyakan, gin kwestyon ni Duterte an pagigin patas han ICC ngan iginduon nga ginagamit la an korte kontra ha ira pamilya. Ginsukna gihapon hini an nagin papel nira Marcos ngan Trillanes ha pagkakaso ngan pag-aresto ha anay presidente.
Manunumduman nga padayon nga iginduduon han kampo ni anay presidente Duterte nga waray hurisdiksyon an ICC ha Pilipinas mahuman umiwas an nasud ha Rome Statute dida han 2019.
Sugadman, nagdig-on an ICC nga pwede hini ig trial an mga kaso nga ginpasaka kusumpay ha mga alegado nga krimen nga nahitabo durante han membro pa an Pilipinas han Rome Statute.
