Ginbisita ni Vice Pres. Sara Duterte ira Sen. Jinggoy Estrada ngan Rodante Marcoleta ha New Quezon City Jail kun diin parehas naka-detene an duha mahitungod ha magkabulag nga kaso nga plunder.
Ginkumpirma gihapon han Bureau of Jail Management and Penology nga nakig-kita hi Duterte kanda Estrada, Marcoleta ngan kan Defensor samtang aada ha sakob han pasilidad.
Sugadman, waray pa nagpagawas hin kadugangan nga detalye an kampo ni Duterte kasumpay han panuyuan han iya pagbisita hya mga naka-preso nga opisyal.
Manunumduman nga hi Estrada in presente nga naatubang ha kaso nga plunder nga may kalabutan ha P537 million flood control scam ngan hi Marcoleta naman in naatubang ha parehas nga kaso mahuman aminon nga kumarawat hiya hin P75 million campaign funds han miyembro pa hiya han Kamara.
