Ginbatikos ni Vice President Sara Duterte an estado han journalism ha Pilipinas, kasunod han iya pagbisita ha iya amay, an anay Pangulo Rodrigo Duterte ha The Hague.
Dida hin usa nga interview ha The Hague, nagpahayag hi VP Sara nga harayo pa an kalidad han journalism ha Pilipinas kun ikukumpara ha internasyonal nga media.
Sumala han Bise Presidente, mas maupay daw an pamaagi han international media ha pagbiling ngan pagpresentar han balita.
Ini an nagin pahayag ni Duterte mahuman hiya pakianhan may kalabotan han pira nga media outlet nga gin-aalegar ginkukuha an iya mga pahayag out of context, nga sumala ha iya in nagdurot hin negatibo nga pagkita ha iya ngan ha iya pamilya.
Gin-insister gihapon niya nga diri unta an kwarta an panguna nga rason han journalism, kay kun amo la ini an panuyo, makuri an pagkaada hin tinuod nga pagbabag-o ha nasud.
