NATIONAL NEWS– Waray la anay maghatag han reaksyon hi Vice President Sara Duterte ha impeachment complaint nga iginpasaka kan Pangulong Ferdinand “Bongbong” Marcos Jr.
An impeachment complaint in ginpasaka han abogado nga hi Andre de Jesus nga nag-akusar kan Marcos hin graft ngan korapsyon, culpable violation han Konstitusyon, ngan pagtraydor ha pagtapod han publiko.
Kalakip gihapon ha reklamo an kakulangan hine nga kapasidad nga magpaserbi ha nasud, matungod ha alegasyon nga pagka-adik hine ha droga nga ginsuportahan han iya bugto nga hi Senadora Imee Marcos.
Gin-indorso naman ni House Deputy Minority Leader ngan Pusong Pinoy Party List Rep. Jett Nisay an nasabi nga impeachment complaint.
Ha nagin pahayag naman han Presidential Communications Office, gindig-unan han mga ine nga ginrerespito nira an ginpasaka nga reklamo ngan gintagan duon nga madig-on an mga institusyon han Pilipinas ngan klarado an mga proseso.
