NATIONAL NEWS– Pangungunahan ni Vice President Sara Duterte an katitirok ha The Hague, Netherlands yana nga Mayo 31, kadungan han iya ika-47 nga kaadlawan.
An panuyo han mao nga katitirok amo an pag-aghat han International Criminal Court (ICC) nga pagawson ha prisohan an anay presidente.
An nasabi nga katitirok in gin-organisar han mga komunidad han mga Pilipino ha Europa kun diin mayda pa mga Pilipino nga nagbiyahe tikang ha iba nga dapit han Europa agud tumambong ha nasabi nga katitirok.
Kaupod an Bise Presidente han iya nanay nga hi Elizabeth Zimmerman, kun diin ira ginbisita an anay presidente ha iya selda han prisohan.
Manunumduman nga an anay presidente Duterte, in nadakop han ICC dida han Marso 11 tungod han iya madugo nga kampanya kontra han iligal nga droga.
