Andam hi VP Sara Duterte nga magpailarum ha lie detector test o polygraph test mahuman hiya ayaton ni dismissed police officer Rodulfo Gracioso Jr. nga igpailarum an kalugaringon ha nasabi nga eksaminasyon.
Ginmalatumat ni Duterte nga waray hiya problema ha pagpailarum ha lie detector test, basta maipakita gihapon ha publiko an resulta han test nga gindumara ni Gracioso.
Sumala ha Bise Presidente, hi Gracioso mismo an nag-yakan nga pumasar hiya ha nasabi nga eksaminasyon sanglit karuyag han bise nga makit-an ngan maipakita ha publiko an resulta hini.
Duon pa ni VP Duterte, nga dire dayon nagawas an resulta han lie detector test, kun igdudumara an eksaminasyon yana nga adlaw, dire karuyag signgon nga makukuha dayon an resulta kinabuhasan mahitungod nga kinahanglan pa ini pangitaon han eksperto.
Nagpailarum ha lie detector test hi Gracioso ha National Bureau of Investigation dida han Setyembre 30 kasumpay ini han pahayag nga daw nagdul-ong hiya hin mga maleta nga mayda sulod nga kwarta ha pamilya Duterte.
