Natuod hi House Private Prosecutor Atty. Lorna Kapunan nga mayda kontribusyon hi Vice President Sara Duterte, an pamilya hini kaupod hi kasama hi anay presidente Rodrigo Duterte ha pagduduso han kultura han karahasan ha nasud.
Gintudlok ni Kapunan an mga pahayag ni VP Sara ha kantidad nga P5,000 in akos niya kumuha hin assassin, an imahinasyon nga hiya in mayda ginpupugutan, ngan mayda na hira ginkaistorya agud patayon hi Presidente Ferdinand Marcos Jr. ngan pamilya hini.
Ginpahayag ini ni Kapunan kasunod han panmusil han usa nga istudyante ha Ateneo de Zamboanga University.
Gin ngaranan gihapon ni Kapunan hi anay presidente Duterte nga nakapreso ha The Hague mahitungod ha crimes against humanity bunga han mga extra judicial killings ngan pagtalapas han mga katungod-pantawo nga nahitabo han iya administrasyon.
Sumala pa kan Kapunan, an sugad nga mga lider han nasud in nagpapakita hin dire maupay nga subaranan han mga kabataan.
Resulta hini, iginduon ni Kapunan nga pinaagi han impeachment in maipapakita ha ngatanan nga dire pwede pabay-an nga mahitabo ini ngan dire pwede nga waray responsibilidad an Vice President ha nasud.
