Nakakuha hin pansin online an usa nga 25-anyos nga content creator mahuman hiya kilal-on nga ‘human 3D printer’ mahitungod ha iya kakaiba nga talento nga pag-ukit hin mga detalyado nga sculpture tikang ha carrots gamit an iya mga ngipon.
Ginkilala an babaye kan Chen Qin. Waray hiya gingagamit nga anuman nga kutsilyo o kagamitan ha pag-ukit, sanglit posible nga hiya na gihapon an nag-uusaan nga “tooth carver” ha kalibutan. Sumala kan Chen, aksidente la niya ini nga nadiskubre dida han Spring Festival han prubaran niya nga kagton ngan hulamhon an usa nga carrot samtang naka-livestream.
Mahitungod nga pumatok ha mga magkirita, iginpadayon niya ini ngan nakabug-os hin sobra 100 artworks. Kaupod ha iya mga pinakasikat nga obra in an mini replica han Great Wall of China ngan Yellow Crane Tower, nga mayda pa mga detalyado nga tore ngan pader.
Agud maproteheran an iya mga ngipon tikang ha pagkaruba ngan pangingilo, naglilikay hiya ha magtam-is ngan carbonated drinks, ngan pirme nagsisipilyo ngan naglilimugmog mahuman nga mag-ukit.
Gin klaro gihapon hini ha mga nambabatikos ha iya nga gin aatimanan niya an iya panlawas ngan waray nakakarag nga pagkaon ha iya artworks.
Gingagamit niya nga panakot ha pagluluto an iya mga sculptures mahuman ini ig video, samtang an mga salin-salin ngan ginkagtan hini in igpapakaon ha mga baboy ngan manok.
