Aminado an Catholic Bishops’ Conference of the Philippines (CBCP) nga puydi maapektohan han krisis ha lana an pag-obserba han Visita Iglesia o pagbisita ha mga simbahan yana nga Semana Santa.
Ini in ha butnga han gin kakaatubang nga pag umento han presyo han mga produkto nga petrolyo.
Sumala kan CBCP Espiscopal Commission of Public Affairs Executive Secretary Fr. Jerome Secillano, naiintindihan han Simbahan kun karuyag han mga tawo magtipid yana nga panahon. Kadungan hini nga pamahayag an kabaraka ha mga Pilipino nga apektado han pag umento han presyo han lana.
“It’s going to be very selfish on the part of the Church if we are worried that only a few will go to the church. We are worried that the Filipinos are really affected by the rising prices of oil. Of course, it will snowball. So this is what we should be worried about. If people want to save, it’s understandable,” subay kan Fr. Secillano.
Samtang, sumala pa hini, kun imposible nga makakadto ha simbahan, ilabi na an mga kalagsan o may-ada gin aabat nga sakit, may-ada abilabli nga misa ha online platforms nga puydi atenderan han publiko.
Dugang pa hini, may-ada gihapon gintatawag nga “virtual visit to the church,” kun diin, kinahanglanon la nga i-click an sites han mga simbahan sugad man puydi gihapon nga ha mga panimalay nala mag ampo kun diri personal nga makakakadto ha simbahan.
Nakatalaan nga magpagawas an Simbahang Katolika hin Oratio Imperata ha butnga han gyera ha middle east.
