TACLOBAN CITY– Maabot ha 146 nga mga uniformed personnel han Villaba Municipal Police Station, in andam nga umasister ha pagdudumaraon nga piniliay ha Mayo 12.
Sumala kan PMaj Ian Salvador Po, Chief of Police, Villaba Municipal Police Station, ha mao nga ihap, 37 dinhi an Regional Operation Task Group, 76 an Pulis sa Barangay, 33 naman an ada ha ira stasyon han Villaba Municipal Police Station.
Dugang pa ni PMaj. Po, yana nga adlaw nag tikang na hira pandeploy hiton mga Automated Counting Machine (ACMs) nga gagamiton pag-ihap hiton botos ha mga precinct o mga voting centers.
Ginpaangbit naman hine nga tanan nga gagamiton nga voting centers ha Villaba Leyte in may nagpaka-stanby nga kapulisan agud nga masigurado an seguridad ngan waray matabo nga untoward incident.
Ha pagkyana, nagpaka pwesto na gihapon an pira nga mga kapulisan ha ira mga check-points area ha nasabi nga lugar.
Nag set-up gihapon an ira han-ay hin 4 nga Closed-circuit television (CCTVs) ngan an mga ine in naka-install ha bug-os nga ira nasasakupan, ngan ginsigurado naman hine nga 24/7 functionable an nasabi nga CCTVs.
Ine nga pitad in agud nga mamonitor nira an nahihitabo, ngan kumo pre-cautionary measures agud nga ma-mintinar an seguridad ngan kahimyang han mao nga lugar.
