TACLOBAN CITY – Maabot na ha 41 an active cases han COVID-19 ha bungto han Basey Samar mahitungod ha naitala nga local transmission ha uusa la nga barangay ha mao bungto.
Mahitungod hini in nakapailarom na ha hard lockdown an bug-os nga barangay han Villa Aurora kun diin mahagos ini hin duha kasemana subay ha naging rekomendasyon han Department of Health (DOH).
Sumala kan Shiela Legaspi, Rural Health Physician, Doctor to the Barrio Program han Basey Samar, mahitungod han naidugang nga 20 cases kagab-i in dire na akos han Municipal Ligtas COVID-19 center han Basey nga maakomodar an tanan han mga ini.
Sanglit an panibag-o nga mga asymptomatic nga mga pasyente in nagpapabilin la ha ira mga panimalay ngan waray pa kapullout.
Pinakalagas ha mao nga mga pasyente in 77 anyos samtang an pinakabata naman nga nainfect han virus in dos anyos pala.
